ባለብር በመሬት ይሸጣል ይለወጣል ስም መሬት እየጠቀለለ የባለ እኩል ተካፋይ ስላልሆና በመደለያ እየተታለልን ለልመና እና ለሌላ ጪሰኝነት ስላልተዳረግን
በርግጥም ስለበላን ነው የምንጨኸው ስላበላንም ነው ኮሮጆውን በድምጻችን የሞላነው
የምንማርበት ትምህርት ቤት የምንታከምበት ጤና ጣብያ ስለተሰጠን
በሽታን የሚከላከሉ ጠበቆች አዋላጆች ስለተላኩልን ጥቅማችን ያናግረናል
አዎን ስለበላን ድርቅ ሁሉ ርሀብ እማይሆንበት በእርዳታም ቢሆን ከሞት የምናመልጥበት መንገድ ስለተበጀ እንጮሀለን
አዎን የወጣቶች ፓኬጅ የሴቶች ፓኬጅ የሚባል ጥቅም ስላገኘን ስለተለወጥን ድምጻችንን ከፍ አድርገን የፖሊሲውን አዋጭነት የኢህአዴግን ህዝባዊ ውግንና የመለስን ትጉህ መሪነት እንመሰክራለን
ልክ ተብሏል ነግደን እስካሻን የሀብት መጠን መያዝ ስለቻልን ባሻን የንግድ ዘርፍ መሰማራት ስለቻልን ጥቅም ያስጮኸናል
ድሮስ ፖለቲካን የጽድቅ ጉዳይ ማን አደረገው ፖለቲካ የጥቅሞች ትግል የሚካሄድበት ነው ጥቅሞችን በፍትሀዊነት እያጣጠመ የሚመራ እንደ ኢህአዴግ ያለ ፓርቲ ደግሞ በአሸናፊነቱ ይዘልቃል
መንገዱን ዉሀውን ኤሌክትሪኩን ስልኩን ኢንተርኔቱን ዩኒቨርስቲውን ጤና ጣብያውን አስኳላውን በየመንደሩ ስላመጣልን ድምጻችንንም ምስክርነታችንንም ለኢህአዴግ ሰጠን
አዎ በበላንበት አዎ ለጠቀመን ጮህን
እናንተም የምትጮሁት ለጽድቅ አደለም ተገቢ ለሆኑና ላልሆኑ ጥቅሞቻችሁ ብቻ ነው
ለሰማያዊው መንግስት ከሆነ ትግላችሁ ሞያና ቦታ ቀይሩ ይሄ ምድራዊ ጥቅሞች የሚጣጣሉበት ሰፈር ነው
ሆዳም ካድሬ በማለት የምታወናብዱበት ግዜ አበቃኮ
አዎን የተሻለ ጥቅሞቻችንን እያስከበረ ላለ ብቁ ፓርቲ ለኢህአዴግ እንጮሀለን ድምጻችንን እንሰጣለን
No comments:
Post a Comment