ታሪክን የሚማሩበት ተመሳሳይ ስህተት አይሰሩም
ታሪክን የሚማሩበት ሰዎች ከደም አይቆራኙም ቁምነገራቸው ከተከሰተው ታሪካዊ ጥሬ ሀቅ ነው$
ታሪክን ከደምና ስጋቸው ተነስተው የሚመዝኑ ሰዎች
ታሪክ ተሳስተዋል ብሎ ከሚከሳቸው ሰዎች የተለዩ አደሉም$ እንዲህ አይነት ግለሰቦች ሀቃቸው ከደም የሚቀዳ በመሆኑ ሁለት ፊውዳሎችን በታሪክ አይን
መዝኑ ቢባሉ ለደማቸው የቀረበውን ጻድቅ ከደማቸው የራቀውን ጭራቅ የማድረግ ልምድ አላቸው$
የዚ መነሻው መገምገሚያው ጥሬ ሀቅ አላማው ደግሞ
ትምህርት አለመሆኑ ነው$ የታሪክን ግዙፍ ገጾች የሚገልጡት ባላንጣቸውን ለማጣጣል በማለም እኛ የሚሉትን ደማቸውን
ደግሞ ለማዳነቅ በመሆኑ ነው$ ለነዚህ አይነት የታሪክ ሰዎች ታሪክ ጥይታቸው እንጂ ዛሬን የሚያንጹበት ነገን የሚተልሙበት
መነሻቸው አደልም ግብአታቸው አደለም$
ታሪክን የነሱ አዲስ ደማዊ ትርክት ይለውጠው ይመስል
ታሪኩን እያዛቡ ሲነግሩን የትላንቱን ባለጌ ሊያሳዩን ተፍተፍ ሲሉ የዛሬዎቹን የታሪክ እድፎች እየታዘብን እንደሆነ እንኳ አይረዱም$ ከትላንቶቹ ስህተቶችና ብልሹ ግለሰቦች የበለጠ የነሱ የዛሬዎቹ አሜኬላዎች ቁመና እንደሚያሳሰበን
አይገባቸውም$
የታሪክን እድፍ ሊያሳዩን ሲጥሩ ማደፋቸውን የሚያሳብቁን
የዛሬ ታሪክ የደም ቀላሚዎች ታሪክን ለትምህርት ታሪክን ዛሬን ለማነጽ እንዲያወሱት እናስታውሳቸዋለን$ ባዳፋ መነጽር ታሪክን እያዩ ሀቁን አቀርባለሁ ብሎ ማሰብ የዋህነት ነው$ የሚቀድመው በደም የቀለመ የታሪክ መነጽራቸውን ማጥራት ወይም የጠራ አዲስ መነጽር ማጥለቅ
ነው$
የትላንትና አንበሶችም ሆኑ ውሾች ዛሬን አያንጹትም
አያበላሹትምም$ የዛሬዎቹ
የተበከሉ የታሪክ ውሻዎች ግን ዛሬን እንዳይበክሉት ነገን እንዳያጨፈግጉት ሀይ መባል አለባቸው$ እውን የታሪክ ተማሪ መሆን ከብዶ ነው እንዲህ የታሪክ ሙርከኛ ሆነን ትላንትን ከፊሎቻችን
ለፖለቲካችን ማራገብያ ደሞ ከፊሎቻችን ዘረኛ አቋሞቻችንን ለማንጸባረቅ ይህን ያህል የምንባትለው?
ሀቁ ይህ ነው$ ታሪክ ታሪክ ነው$ ያማረም የከፋም አስተያየታችን አይቀይረውም አስተያየቶቻችን ግን የባለአስተያየቱን ቁመና
እና ሀሳብ ያሳብቃሉ$ ቢያንስ እረ ሰው ይታዘበናል ብለን ከመቀባጠር እንቆጠብ$ ታሪክ ለዘረኝነት ታሪክ ለርካሽ ፖለቲካ ማራመጃነት ታሪክ ለመቀባጠር ባይሆን$
የምር ከታሪክ ብንማር ታሪክ ብንሰራ ታሪክ በዚህም
ቢያስታውሰን ይሻላል$
No comments:
Post a Comment